ಘಟಪ್ರಭಾ:ಗುಜರಾತ ಹಾಗೂ ಹಿಮಾಚಲ ಪ್ರದೇಶದಲ್ಲಿ ಬಿಜೆಪಿ ಜಯಭೇರಿ : ಘಟಪ್ರಭಾದಲ್ಲಿ ಕಾರ್ಯಕರ್ತರಿಂದ ವಿಜಯೋತ್ಸವ
ಗುಜರಾತ ಹಾಗೂ ಹಿಮಾಚಲ ಪ್ರದೇಶದಲ್ಲಿ ಬಿಜೆಪಿ ಜಯಭೇರಿ : ಘಟಪ್ರಭಾದಲ್ಲಿ ಕಾರ್ಯಕರ್ತರಿಂದ ವಿಜಯೋತ್ಸವ
ಘಟಪ್ರಭಾ ಡಿ 18 : ಗೋಕಾಕ ಗ್ರಾಮೀಣ ಮತಕ್ಷೇತ್ರದ ಬಿಜೆಪಿ ಕಾರ್ಯಕರ್ತರು ಗುಜರಾತ ಹಾಗೂ ಹಿಮಾಚಲ ಪ್ರದೇಶದಲ್ಲಿ ಬಿಜೆಪಿ ಪಕ್ಷವು ಜಯಬೇರಿ ಸಾದಿಸಿದ್ದಕ್ಕಾಗಿ ವಿಜಯೋತ್ಸವ ಆಚರಿಸಿ ಸಂಭ್ರಮಿಸಿದರು.
ಗುಜರಾತದಲ್ಲಿ 98 ಸ್ಥಾನ ಹಾಗೂ ಹಿಮಾಚಲ ಪ್ರದೇಶದಲ್ಲಿ 44 ಸ್ಥಾನ ಗೆದ್ದು ಸರ್ಕಾರ ರಚಿಸುವತ್ತ ದಾಪುಗಾಲು ಹಾಕುತ್ತಿರುವ ಹಿನ್ನಲೆಯಲ್ಲಿ ಘಟಪ್ರಭಾ ಮೃತ್ಯುಂಜಯ ವೃತ್ತದಲ್ಲಿ ಬಿಜೆಪಿಯ ಅನೇಕ ಕಾರ್ಯಕರ್ತರು ಪಟಾಕ್ಷಿ ಸಿಡಿಸಿ ಸಿಹಿ ಹಂಚಿ ಸಂಭ್ರಮ ಆಚರಿಸಿದರು.
ಈ ಸಂದರ್ಭದಲ್ಲಿ ಬಿಜೆಪಿ ಪಕ್ಷದ ಹಿರಿಯ ಮುಖಂಡರು ಹಾಗೂ ಖ್ಯಾತ ನ್ಯಾಯವಾದಿಗಳಾದ ಲಕ್ಷ್ಮಣ ತಪಶಿ ಮಾತನಾಡಿ ಗುಜರಾತದ ಪಲಿತಾಂಶ ನಿಶ್ಚಿತವಾಗಿದ್ದು ಹಿಮಾಚಲ ಪ್ರದೇಶÀದಲ್ಲಿ ಈ ಹಿಂದೆ ಇದ್ದ ಕಾಂಗ್ರೆಸ್ ಸರ್ಕಾರದ ದುರಾಡಳಿಕ್ಕೆ ಬೇಸತ್ತ ಜನತೆ ಒಳ್ಳೆಯ ನಿರ್ಣಯ ತೆಗೆದುಕೊಂಡು ಬಿಜೆಪಿಯನ್ನು ಬೆಂಬಲಿಸಿದ್ದಾರೆ. ಈ ಎರಡು ರಾಜ್ಯಗಳ ಪಲಿತಾಂಶವು ಕರ್ನಾಟಕ ರಾಜ್ಯದ ಮೇಲೆ ಒಳ್ಳೆಯ ಪರಿಣಾಮ ಬೀರುವದರಲ್ಲಿ ಯಾವದೇ ಸಂಶಯವಿಲ್ಲ. ಈ ಚುನಾವಣೆಯ ಪಲಿತಾಂಶವು ಮುಂಬರುವ ಕರ್ನಾಟಕ ವಿಧಾನ ಸಭೆಯ ಚುನಾವಣೆಯ ಮುಂಚೂನಿಯಾಗಲಿದೆ ಎಂದರು.
ಈ ಸಂದರ್ಭದಲ್ಲಿ ಬಿಜೆಪಿ ಜಿಲ್ಲಾ ಕಾರ್ಯದರ್ಶಿ ಸುರೇಶ ಕಾಡದವರ, ಸುರೇಶ ಪಾಟೀಲ, ಜಿ.ಎಸ್ ರಜಪೂತ, ಪ್ರಮೋದ ಜೋಶಿ, ಪ್ರವೀನ ಚುನಮುರಿ, ಕಲ್ಲಪ್ಪ ಕಾಡದವರ, ಚಿರಾಕಲಿಶಾ ಮಕಾಂದಾರ, ಕೆಂಪಣ್ಣ ಕರೋಶಿ, ಬಸವರಾಜ ಹತ್ತರವಾಟ, ಆನಂದ ವಾಡೇದ, ಸತೀಶ ಹಳ್ಳೂರ, ಮಹಾವೀರ ಇಂಗಳೆ, ಕಿರಣ ವಾಲಿ, ರಾಜು ಕಂಬಾರ ಸೇರಿದಂತೆ ಅನೇಕ ಕಾರ್ಯಕರ್ತರು ಇದ್ದರು.