ಘಟಪ್ರಭಾ:ಸಾರ್ವಜನಿಕ ಶೌಚಾಲಯ ಕಾಮಗಾರಿಗೆ ಚಾಲನೆ
ಸಾರ್ವಜನಿಕ ಶೌಚಾಲಯ ಕಾಮಗಾರಿಗೆ ಚಾಲನೆ
ಘಟಪ್ರಭಾ ಜ 23 : ಮಲ್ಲಾಪೂರ ಪಿ.ಜಿ ಪಟ್ಟಣ ಪಂಚಾಯತಿ ವ್ಯಾಪ್ತಿಯ 10 ನೇ ವಾರ್ಡಿನಲ್ಲಿ 14 ನೇ ಹಣಕಾಸು ಯೋಜನೆಯ 2017-18 ನೇ ಸಾಲಿನ ಸಾಮಾನ್ಯ ಮೂಲ ಅನುದಾನದಲ್ಲಿ ವಾಕೋಡೆ ಮನೆಯ ಹತ್ತಿರ ಸಾರ್ವಜನಿಕ ಶೌಚಾಲಯ ಕಾಮಗಾರಿಗೆ ಗೊಂದಳಿ ಸಮಾಜದ ಹಿರಿಯರಾದ ಮಾನಾಜಿ ಭಗವಂತ ವಾಕೋಡೆ ಸೋಮವಾರ ಚಾಲನೆ ನೀಡಿದರು.
ಪ.ಪಂ ಸದಸ್ಯ ಸಲೀಮ ಕಬ್ಬೂರ ಮಾತನಾಡಿ ಸಾರ್ವಜನಿಕರು ಸರಕಾರದಿಂದ ನಿರ್ಮಿಸಲಾಗುವ ಸಾರ್ವಜನಿಕ ಶೌಚಾಲಯವನ್ನು ಸರಿಯಾಗಿ ಉಪಯೋಗಿಸಬೇಕು ಹಾಗೂ ಶೌಚಾಲಯದ ಜೊತೆಗೆ ಅದರ ಸುತ್ತ ಮುತ್ತಲಿನ ಪ್ರದೇಶವನ್ನು ಸ್ವಛ್ಚವಾಗಿಟ್ಟು ಸರಕಾರದ ಸೌವಲತ್ತುಗಳ ಸದುಪಯೋಗ ಪಡೆದುಕೊಳ್ಳಬೇಕೆಂದು ಹೇಳಿದರು.
ಈ ಸಂದರ್ಭದಲ್ಲಿ ಮುಖಂಡರಾದ ಡಿ.ಎಮ್.ದಳವಾಯಿ, ಪ.ಪಂ ಸದಸ್ಯರಾದ ಮಲ್ಲೇಶ ಕೋಳಿ. ಇಮ್ರಾನ್ ಬಟಕುರ್ಕಿ, ಪ,ಪಂ ಮುಖ್ಯಾಧಿಕಾರಿ ಕೆ.ಬಿ.ಪಾಟೀಲ, ಗೊಂದಳಿ ಸಮಾಜದ ಹಿರಿಯರಾದ ಬಾಳುಮಹಾರಾಜ ಬೋಸಲೆ, ಮಾನಿಕ ಬೀಸೆ, ಯಮನೂರ ವಾಕೋಡೆ, ಗ್ರಾಮಸ್ಥರಾದ ಸುರೇಶ ಪೂಜಾರಿ, ಶೇಖರ ಕುಲಗೂಡ, ನಾಗರಾಜ ಜಂಬ್ರಿ, ಗುತ್ತಿಗೆದಾರ ಅಶೋಕ ಹೂಲಿಕಟ್ಟಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.